औरंगाबाद शहरात बालविवाह उघडकीला; चौघांविरुद्ध गुन्हा दाखल

Aurangabad, 22 May. ‘चाइल्ड लाइन’ केंद्र समन्वयक यांच्याकडे शहरात बालविवाह लागल्याचे फोटो आले. या फोटोच्या आधारावरून सिडको पोलिस ठाण्यात बालविवाह लावणाऱ्या पाल्यांसह बालवधू आणि वराच्या विरोधात गुन्हा दाखल करण्यात आला आहे. रमेश पुंगळे (५४, रा. सिडको एन ४, परिजात नगर) हे बालविकास प्रकल्प अधिकारी तसेच बाल विवाह प्रतिबंधक अधिकारी म्हणून कार्यरत आहेत. त्यांनी सिडको पोलिस ठाण्याला दिलेल्या तक्रारीनुसार, सिडको भागात एक बालविवाह लावण्यात आल्याची तक्रार प्राप्त झाली होती. ही माहिती संबंधित पोलिस ठाण्याला देण्यात आली होती. संबंधित पोलिसांनी १६ मे रोजी या बाबत चौकशी केली असता, संबंधितांचा विवाह झाला नसून, घरातच साखरपुडा झाला आहे. लग्नाचे वय जेव्हा पर्यंत होत नाही. तेव्हा पर्यंत लग्न लावणार नसल्याचे स्पष्ट केले होते. या प्रकरणात १७ मे रोजी बालवधूचा पालकांसह जबाब नोंदविण्यात आला. हा जबाब संशयास्पद वाटला. दरम्यान, ‘चाइल्डलाइन’कडे काही फोटो आले. हे फोटो जिल्हा बाल संरक्षण कक्षातर्फे बाल कल्याण समितीला देण्यात आले. सदर फोटोत घरातच बालविवाह केल्याचे दिसून येत होते. या फोटोमध्ये विवाहाचा पूर्ण विधी झाल्याचे स्पष्ट झाले. हा विवाह १६ मे रोजी सायंकाळी ६ ते ८ वाजेच्या दरम्यान झाल्याचे स्पष्ट झाले. अशी फिर्याद सिडको पोलिस ठाण्यात देण्यात आली. या फिर्याद आणि फोटोच्या आधारे बालविवाह लावणाऱ्या मुलीची आई, मुलीचे वडील, मुलाची आई, मुलाचे वडील, मुलगा या चार जणांच्या विरोधात सिडको पोलिस ठाण्यात गुन्हा दाखल करण्यात आला आहे.