“PM मोदी लोकांना सांगतात मास्क वापरा अन् स्वत: मास्क वापरत नाही”

देशात सध्या कोरोनाच्या तिसऱ्या लाटेच्या पार्श्वभूमीवर सर्व राज्यांना तयारी करण्याच्या केंद्र सरकारडून देण्यात आल्या आहेत. मास्क वापरणे, लसीकरणाचे दोन्ही डोस घेणे यांसारख्या नियमांचं पालन करण्यासाठी सरकारडून वारंवार आवाहन करण्यात येतंय. तर राज्यात देखील निर्बंध लावण्यात आले आहेत. संजय राऊत (Sanjay Raut) यांनी यावर बोलताना थेट पंतप्रधान नरेंद्र मोदी (Narendra Modi) यांच्यावरच अप्रत्यक्षपणे टीका केली.
निर्बंध वाढवल्यास आर्थिक चक्र बिघडेल, त्यामुळे काळजी घेणं गरजेचं आहे. मात्र लोक मास्क वापरत नाहीत, कारण ते पंतप्रधान नरेंद्र मोदींना फॉलो करतात. ते राष्ट्रीय आणि आंतरराष्ट्रीय कार्यक्रमात कुठेही मास्क वापरताना लोकांना दिसत नाहीत. आम्ही सगळे त्यांनाच फॉलो करतो, कारण ते देशाचे नेते आहेत. मोदी लोकांना सांगतात मास्क लावा अन् स्वत: मास्क वापरत नाहीत. राज्याचे मुख्यमंत्री मास्क लावतात पण पंतप्रधान मास्क लावत नाहीत. आम्ही सगळे त्यांनाच फॉलो करतो, कारण ते देशाचे नेते आहेत असं म्हणत संजय राऊत यांनी मोदींवर निशाणा साधला.